Februari 28 siku ya kuliombea Taifa

Posted By Bajeti: 2025-02-21 04:01:20 |

Share: Facebook | Twitter | Whatsapp | Linkedin Visits: 43

NA GOODLUCK HONGO

VIONGOZI wa mathehebu ya dini mbalimbali na waumini wao wanatarajia kushiriki kuliombea Taifa pamoja na Rais wa Jamhuri ya Muungano wa Tanzania Dkt.Samia Suluhu Hassan.

Mbali na kuliombea Taifa na Rais Dkt.Samia lakini pia maombi hayo yatajikita katika kuombea amani na utulivu ikiwemo uchaguzi mkuu unaotarajiwa kufanyika baadaye mwaka huu.

Akizungumza na maelfu ya waumini wake wa Kanisa la Inuke Uangaze Februari 16,2025 Kawe mkoani Dar es Salaam wakati wa Ibada ya Kesi yako Imekwisha,Mtume Boniface Mwamposa 'Buldoza'  amesema ni muhimu kuliombea Taifa hivyo kila mtu anapaswa kushiriki.

Amesema maombi hayo yatafanyika katika uwanja wa Benjamin Mkapa mkoani Dar es Salaam Februari 28,2025 ambapo pia yatahudhuriwa na viongozi wa vyama vya siasa ambavyo vitashiriki katika uchaguzi.

"Siku hiyo chakula mtakula pale pale na tunataka kila mpaka mafuta atamke baraka juu ya Taifa na itaanza saa 12 asubuhi

"Ni vizuri kuungana kuliombea Taifa,wote tushiriki kuliombea Taifa na wale wenye magari basi ni muhimu kusaidia kubeba watu"amesema Mwamposa